Məhəmməd Əmin Rəsulzadənin 140 illiyinə həsr olunmuş məktəblilər arasında "Bir kərə yüksələn bayraq" adlı intellektual məktəb çempionatının region mərhələsi keçirilib.

İmişli şəhər 7 nömrəli tam orta məktəbin “Şahinlər” komandası bilik yarışının qalibi olub.

Eyni zamanda qalib komanda İctimai televiziya tərəfindən təşkil olunacaq çəkilişlərə vəsiqə qazanıb.

Çempionatın keçirilməsində əsas məqsəd yeniyetmə və gənclərin intellektual və yaradıcılıq bacarıqlarının inkişafına kömək etmək, yüksək yaradıcılıq qabiliyyətinə, intellektual potensiala və müxtəlif sahələrdə dərin biliklərə malik gəncləri aşkar etmək, onların inkişaf etdirilməsinə şərait yaratmaq, Respublikanın müxtəlif regionlarında ən güclü məktəb komandalarını müəyyən etməkdən ibarətdir.

Şagirdlərimizi təbrik edirik və uğurlar arzulayırıq!