15 avqust 2024-cü il tarixində Mil-Muğan Regional Təhsil İdarəsinin müdiri Rəşad Musayev İmişli şəhər 7 nömrəli tam orta məktəbdə İmişli rayon qeydiyyatında olan və ya yaşayan qəbula yazılmış vətəndaşları qəbul edib.

Keçirilən qəbulda vətəndaşlar əsasən işlə təmin olunma, əmək müqaviləsinin uzadılması, iş yerinin dəyişdirilməsi və digər məsələlərlə bağlı müraciətlər ediblər.

İdarənin müdiri qəbula yazılmış vətəndaşların müraciət, şikayət və təkliflərini dinləyərək hər bir müraciətin operativ şəkildə araşdırılması və qaldırılan məsələlərin qanunvericiliyə uyğun həlli istiqamətində idarənin aidiyyəti üzrə struktur bölmələrinin əməkdaşlarına konkret tapşırıqlar verib.