Mil-Muğan Regional Təhsil İdarəsinin müdiri Rəşad Musayev hazırda əsaslı təmir işləri aparılan İmişli rayonu Yalavac kənd İ. Səfərov adına tam orta məktəbə baxış keçirib, görülən işlərlə tanış olub.

624 şagird yerlik təhsil müəssisəsində 24 sinif otağı, kimya, fizika və biologiya laboratoriyaları, informatika kabineti, texnologiya otağı, məktəbəhazırlıq və çağırışaqədərki hazırlıq kabinetləri, kitabxana, akt zalı, idman zalı və yeməkxana olacaq. Təhsil müəssisəsinin əsaslı təmiri ilə bağlı hazırda tamamlanma işləri görülür.

Məktəbin həyətyanı ərazisində abadlıq və yaşıllaşdırma işlərinin aparılması da nəzərdə tutulub.

Qeyd edək ki, bu il həmçinin İmşli rayonu Aranlı kənd Y. Sadatxanov adına 1 saylı tam orta məktəbin yeni binası inşa olunub və yeni tədris ilində müəllimlərin və şagirdlərin istifadəsinə veriləcək.