Mil-Muğan Regional Təhsil İdarəsinin tabeliyində olan ümumi təhsil müəssisələrində hazırda müvafiq fənlər üzrə vakant olan yerlərə müddətli əmək müqaviləsi ilə əlavə iş yerində çalışmaq istəyən müəllimlər 16 sentyabr 2024 -cü il tarixdən 18 sentyabr 2024-cü il saat 23:59-dək aşağıdakı linkə keçid edərək məlumatlarını daxil edə bilərlər.

https://forms.gle/erEAys745MgC1bhS6

Məlumatlarını düzgün daxil etməyən qeydiyyatdan keçmiş şəxslərin qeydiyyatı nəzərə alınmayacaqdır.

Qeyd edək ki, vakansiya seçimində diaqnostik qiymətləndirmə balı, müəllimlərin işə qəbulu (MİQ) və sertifikasiya balı nəzərə alınacaqdır. Bir müəllim 2 vakant yer seçə bilər.

Müəllimlərin vakant yerlərə təyinatı müraciətlərindəki seçdiyi vakansiya üzrə ardıcıllıq gözlənilməklə pedaqoji göstəriciləri nəzərə alınacaqdır.

Mil-Muğan Regional Təhsil İdarəsinə, rayon təhsil sektorlarına, eləcə də işləmək istədiyi ümumi təhsil müəssisəsinə ərizə ilə müraciət edən namizədlərdən də göstərilən link vasitəsilə qeydiyyatdan keçməkləri tələb olunur.