İmişli şəhər ümumtəhsil məktəblərinin şagirdləri arasında 18 Oktyabr Müstəqilliyin Bərpası Gününə həsr olunmuş məktəblərarası voleybol yarışı keçirilib.

Yarışın keçirilməsində məqsəd idmanın kütləviliyinin təmin olunması, şagirdlərin asudə vaxtlarının səmərəli təşkil edilməsi olub.

Olimpiya sistemi ilə keçirilən yarışda məktəb komandaları qüvvələrini sınayıblar.

Yarışda İmişli şəhər 7 nömrəli tam orta məktəbin komandası birinci, 5 nömrəli məktəb-liseyin komandası isə ikinci yeri tutublar.

Qalib komandalara diplomlar təqdim olunub.