24-25 oktyabr 2024-cü il tarixlərində Elm və Təhsil Nazirliyinin dəstəyi və “STEAM Azərbaycan” layihəsinin təşkilatçılığı ilə Bakı Ekspo Mərkəzində Beynəlxalq Yaşıl STEAM Azərbaycan Festivalı keçiriləcək.

Mil-Muğan Regional Təhsil İdarəsi üzrə festivala qatılacaq komandalar Sabirabad Steam Mərkəzində böyük sevinc və ruh yüksəkliyi ilə hazırlaşırlar.

Mil-Muğan Regional Təhsil İdarəsinin müdiri Rəşad Musayev Sabirabad Steam Mərkəzində olub və şagirdlərin Beynəlxalq Yaşıl STEAM Azərbaycan Festivalına hazırlıqları ilə tanış olub. İdarə müdiri şagirdlərə festivalda uğur əldə etmələrini arzulayıb və tövsüyələrini verib.

Xatırladaq ki, STEAM təhsil metodu 5 əsas disiplinin birgə təşkilidir. Bu metod elm (Science), texnologiya (Technology), mühəndislik (Engineering), incəsənət (Art), riyaziyyatı (Math) inteqrasiya olunmuş şəkildə tədris etmək ideyası üzərində qurulub.

Festivalda iştirak edəcək müəllim və şagirdlərimizə uğurlar arzulayırıq!