Saatlı rayonunun ümumi təhsil müəssisələrinin müəllimləri arasında "Qarabağa gedən yol" adlı bilik yarışı keçirilib.

"Qarabağa gedən yol" adlı bilik yarışı Mil-Muğan Regional Təhsil İdarəsinin təşkilatçılığı ilə regionun ümumi təhsil müəssisələrinin müəllimləri arasında "Zəfər Günü"nə həsr olunub.

Bilik yarışında Saatlı rayonu üzrə 12 məktəb komandası iştirak edib. Əlisoltanlı kənd tam orta məktəbin komandası I, Qıraqlı kənd tam orta məktəbin komandası II, Hacıqasımlı kənd tam orta məktəbin komandası isə III yeri tutub.

Əlisoltanlı kənd tam orta məktəbinin müəllimlərdən ibarət "Birlik" komandası Saatlı rayonunu bilik yarışının region turunda təmsil etmək hüququnu qazanıb.

Bilik yarışının keçirilməsində məqsəd müəllimlər arasında sağlam rəqabət gücünü artırmaq, əməkdaşlığı möhkəmləndirmək və vətənpərvərlik ruhunu daha da gücləndirməkdən ibarətdir.

Əsasnaməyə uyğun olaraq bilik yarışında ümumi təhsil müəssisələrində çalışan, meyl və maraqlarına uyğun olan hər bir müəllim iştirak edə bilər. Müəllimlərdən ibarət hər bir komandanın tərkibi 7 nəfər olmaqla formalaşır. Yarış region üzrə rayon və region turu olmaqla 2 turda keçirilir. Rayon turunda iştirak edən komandalardan rayon üzrə birinci yeri tutan komanda region turunda iştirak edəcək.

Region turu 31 oktyabr - 04 noyabr 2024-ci il tarixlərində keçiriləcək. Region turunun qalib komandaları Mil-Muğan RTİ-i tərəfindən “Diplom”la təltif olunacaq və hədiyyə ilə mükafatlandırılacaq.