Saatlı rayonunda Mil-Muğan Regional Təhsil İdarəsinin "Zəfər Günü"nə həsr etdiyi "Qarabağa gedən yol" adlı şagirdlərarası bilik yarışının rayon turu keçirilib.

Yarışda Saatlı rayonu üzrə 12 məktəb komandası iştirak edib. Əlisoltanlı kənd tam orta məktəbin komandası I, Saatlı şəhər 1 nömrəli tam orta məktəbin komandası II, Qara Nuru kənd tam orta məktəbin komandası isə III yeri tutub.

Əlisoltanlı kənd tam orta məktəbinin şagirdlərdən ibarət "Birlik" komandası yarışın qalibi olaraq Saatlı rayonunu bilik yarışının region turunda təmsil etmək hüququ qazanıb.

Şagirdlərimizə region turunda uğurlar arzulayırıq!