ARTİ-nin Təhsil Texnologiyaları Mərkəzində “Müasir metodik xidmətin təşkili” layihəsi çərçivəsində məktəblərdə metodik xidmət göstərəcək Xoşbəxt İsmayılzadə məktəb kollektivinə təqdim olunub.

Beyləqan rayonu Dünyamalılar kənd 2 nömrəli tam orta məktəbin Azərbaycan dili və ədəbiyyat müəllimi Xoşbəxt İsmayılzadə 501 nəfər şagird kontingenti, 8 ibtidai sinifi olan Dünyamalılar kənd 1 nömrəli tam orta məktəbdə metodik xidmət göstərəcək.

Məktəb daxilində çalışan metodist çalışdığı ümumi təhsil müəssisəsi üzrə ibtidai sinif müəllimlərinin təlim ehtiyaclarının müəyyənləşdirilməsi, fənlər üzrə dərs müşahidələrinin aparılması, qarşılıqlı dərsdinləmələrin təşkili və müzakirəsi, müəllimlərə təlimlərin keçirilməsi, müəllimlik peşəsinə yeni başlamış ibtidai sinif müəllimlərinə mentorluq xidmətinin göstərilməsi və sair fəaliyyətləri icra edəcək.