Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrinin müəllimləri arasında 8 Noyabr - Zəfər Gününə həsr edilən "Qarabağa gedən yol" adlı müəllimlərarası bilik yarışına yekun vurulub.

Bilik yarışının keçirilməsində məqsəd müəllimlər arasında sağlam rəqabət gücünü artırmaq, əməkdaşlığı möhkəmləndirmək, vətənpərvərlik ruhunu daha da gücləndirmək olub.

Tədbirdə çıxış edən Mil-Muğan Regional Təhsil İdarəsinin müdir müavini Rabil Şahbazov "Zəfər Günü"ə həsr olunmuş bilik yarıışının regionun müəllimləri arasında qarşılıqlı əlaqələrin möhkəmlənməsində mühüm rol oynayacağını vurğulayaraq, müəllimlərimizin təhsil müəssisələrində şagirdlərin vətənpərvərlik ruhunda tərbiyə olunması, milli-mənəvi dəyərlərə hörmət hissinin aşılanması istiqamətində görülmüş işlərin daha yüksək səvviyədə aparılmasının vacib olduğunu bildirərək, yarış iştirakçılarına uğurlar arzulayıb.

Mil-Muğan RTİ-nin təşkil etdiyi "Qarabağa gedən yol" adlı bilik yarışının yekununda Sabirabad şəhər 3 nömrəli tam orta məktəbin "Vurğun" komandası I yerə, İmişli rayonu Otuziki kənd tam orta məktəbin "Otuziki" komandası II yerə, Saatlı rayonu Əlisoltanlı kənd tam orta məktəbin "Birlik" komandası isə III yerə layiq görülüb.

Qaliblər Regional Təhsil İdarəsinin rəhbərliyi tərəfindən diplomlarla təltif olunublar.