Mil-Muğan Regional Təhsil İdarəsinin təşəbbüsü və təşkilatçılığı ilə Azərbaycan Təhsil İşçiləri Azad Həmkarlar İttifaqı Sabirabad rayon komitəsinin dəstəyi ilə Sabirabad rayon ümumi təhsil müəssisələrində çalışan şəhid ailələri, qazi və veterenlarla "Zəfər günü" münasibətilə görüş keçirilib.

Görüşdə ilk olaraq torpaqlarımızın işğaldan azad edilməsi uğrunda şəhid olmuş şəhidlərin ruhu bir dəqiqlik sükutla yad edildikdən sonra Mil-Muğan Regional Təhsil İdarəsinin müdiri Rəşad Musayev çıxış edərək dövlətimizin şəhid və qazi ailələrinə, həmçinin müharibə veteranlarına göstərdiyi diqqət və qayğıdan, işğaldan azad olunan torpaqlarımızda aparılan quruculuq işlərindən danışıb.

44 gün davam edən Vətən müharibəsində müəllimlərmizin döyüşlərdə göstərdiyi qəhrəmanlıqları, təhsil ocaqlarında isə şagirdlərin vətənpərlik ruhunda tərbiyə olunmasında misilsiz xidmətlər göstərdiyini bildirib.

Sonda təhsil müəssisələrində çalışan 16 şəhid ailəsi üzvlərinə, 2 qazi və 47 müharibə veteranına Azərbaycan Təhsil İşçiləri Azad Həmkarlar İttifaqı Sabirabad rayon komitəsi tərəfindən hədiyyələr verilib.