Saatlı rayonunun ümumtəhsil məktəblərinin ibtidai sinif müəllimləri üçün "Təlimdə oyunun tətbiqi" təlimi keçirilib.

Təlimçi Saatlı rayon Qaracalar kənd tam orta məktəbinin ibtidai sinif müəllimi Xanım Allahyarova bu ilin may ayında Türkiyədə təşkil olunmuş "Təhsildə Oyun Tətbiqləri Təhsili" layihəsində öyrəndiklərini Saatlı rayonunun 40-dan çox məktəblərinin ibtidai sinif müəllimləri ilə bölüşüb.

Təlim zamanı müəllimlərə dərslərdə oyunun tətbiqinə dair nümunə dərslər təqdim olunub. Müəllimlərlə birlikdə praktik olaraq təcrübə mübadiləsi həyata keçirilib.