Mil-Muğan Regional Təhsil İdarəsinin tabeliyində fəaliyyət göstərən məktəbəqədər təhsil müəssisələrində qida bloklarının sanitar-gigiyenik vəziyyətinin yaxşılaşdırılması ilə bağlı müəssisələrin işçi heyəti ilə onlayn maarifləndirici seminarlar keçirilib.

Görüşlərdə mövzunun zəruriliyi və mahiyyətindən danışılıb, uşaqların sağlamlığının qorunması dövlətin sosialyönümlü siyasətinin prioritet istiqamətlərindən olduğu bildirilib. Təhsil müəssisələrinin üzərində uşaqların sağlam, ölkəmizə layiqli vətəndaş kimi yetişdirmək, cəmiyyətdə sağlam mövqe tutmasını təmin etmək kimi böyük bir missiyanın dayandığı qeyd edilib.

Bununla yanaşı, Azərbaycan Respublikasının sanitariya qanunvericiliyinin pozulmasına görə məsul olan şəxslər hüquqi məsuliyyət daşıdıqları seminar iştirakçılarının diqqətinə çatdırılıb.