16.10.2024

Sağlam qidalanmanın təbliği və təşviqi məqsədilə maarifləndirici tədbirlər keçirilir

Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrində sağlam qidalanmanın təbliği və təşviqi məqsədilə maarifləndirici tədbirlər keçirilir.

 

Maarifləndirici tədbirlərin keçirilməsinin əsas məqsədi uşaqları düzgün qidalanma qaydaları ilə tanış etmək, onlara sağlam və zərərli qidalar haqqında məlumat vermək, qida təhlükəsizliyi mövzusunu təbliğ etmək, uşaqlara qida təhlükəsizliyi ilə bağlı bilik və müvafiq vərdişləri aşılamaqdır.

 

Tədbirlərdə “Sağlam qidalanaq, sağlam yaşayaq”, “Sağlam həyat, sağlam qida” kimi mövzularda uşaqlarla fikir mübadiləsi aparılır, düzgün qidalanma ilə bağlı müvafiq tövsiyələr verilir. Həmçinin uşaqları maraqlandıran suallar cavablandırılır və onlara sağlam qidalanma ilə bağlı maarifləndirici materiallar paylanılır.

 

Qeyd edək ki, sağlam qidalanma ilə bağlı tədbirlərin davam etdirilməsi nəzərdə tutulur.


Açar sözlər: ,  ,  ,