Sabirabad şəhər 4 nömrəli tam orta məktəbin VI - VII sinif şagirdləri və məktəbin informatika müəllimi, yarış üzrə kordinator Tağızadə Könül “Bebras” müsabiqəsində iştirak ediblər.

Onlayn olaraq keçirilən “Bebras” İnformatika və Alqoritmik düşüncə yarışmasıdır. Şagirdlər interaktiv suallara alqoritmik düşüncələrini işə salaraq cavab verirlər. Yarışmada interaktiv və əyləncəli tapşırıqlar vasitəsilə şagirdlərin həmin mövzularda təfəkkürləri yoxlanılır və tapşırıqların həllinə uyğun qiymətləndirmə aparılır.

2025-ci ilin əvvəllərində Bebras müsabiqəsinin final mərhələsi keçiriləcək. Hər yaş qrupunda ən yaxşı nəticə göstərən şagirdlər final mərhələsində iştirak edəcək və burada qaliblər müəyyən olunaraq mükafatlandırılacaq.

Qeyd edək ki, “Bebras” müsabiqəsi 2004-cü ildən başlayıb. Dünyanın 70-dən çox ölkəsində yüz minlərlə şagirdin iştirak etdiyi müsabiqə Azərbaycanda 2014-cü ildən etibarən keçirlilir.