Respublika fənn olimpiadalarında Mil-Muğan Regional Təhsil İdarəsinin tabeliyində fəaliyyət göstərən ümumi təhsil müəssisələrindən ümumillikdə 2455 nəfər şagird iştirak edib.

Olimpiadaların rayon mərhələsi Mil-Muğan RTİ-si üzrə 5 mərkəzdə - Beyləqan şəhər 1, 2 nömrəli, Saatlı şəhər 2 nömrəli, Sabirabad şəhər 1 nömrəli tam orta məktəblərdə və İmişli şəhər 5 nömrəli məktəb-liseydə təşkil edilib.

Respublika fənn olimpiadaları ümumi təhsil müəssisələrinin IX -XI sinifləri arasında Azərbaycan dili və ədəbiyyat, riyaziyyat, fizika, kimya, biologiya, informatika, tarix, coğrafiya fənləri üzrə xüsusi istedada malik şagirdlərin aşkarlanması, onların bilik və bacarıqlarının qiymətləndirilməsi, məktəblilərin həmin fənlərə olan maraqlarının artırılması məqsədilə hər il keçirilən yarışıdır.

Olimpiadanın rayon (şəhər) mərhələsində şagirdlərə müvafiq fənlər üzrə qapalı test formatında 25 sual təqdim edilib.