Sabirabad rayonunun ümumi təhsil müəssisələrində şagird təhlükəsizliyinin gücləndirilməsi və daxili nizam-intizam qaydalarına əməl olunmasına nəzarətin artırılması məqsədilə monitorinqlər keçirilib.

Monitorinqlərdə Sabirabad rayon təhsil sektorunun aparıcı məsləhətçisi Seyidrza Qubadov, Sabirabad Rayon Polis Şöbəsinin baş inspektoru, polis leytenantı Həmid Əsədzadə və polis leytenantı Nəriman Rüstəmov iştirak ediblər.

Monitorinqlər çərçivəsində məktəblilərin “Ümumi təhsil müəssisələrində şagird davranış qaydaları”na əməl etməsi vəziyyəti monitorinq olunub. Məktəbə gətirilməsi qadağan olunan əşya və ləvazimatlar haqqında şagirdlər arasında maarifləndirmə işi aparılıb. Şagirdlərə dərsə davamiyyət və digər müvafiq məsələlərlə bağlı tövsiyələr verilib.

Monitorinq zamanı aşkara çıxarılan nöqsanları doğuran səbəblər müzakirə olunub və həlli yolları məktəb rəhbərliyinin nəzərinə çatdırılıb.