Sabirabad rayonu Əli Qurbanov adına Qalağayın kənd tam orta ümumtəhsil məktəbində 20 Yanvar faciəsinin 35-ci ildönümü ilə bağlı tədbir keçirilib.

Tədbirdə məktəbin pedaqoji kollektivi, şagirdlər və ictimaiyyət nümayəndələri iştirak ediblər.

Tədbirdə məktəbin direktoru Pəhlivan Qarayev çıxış edərək 1990-cı il yanvarın 20-də törədilmiş faciədən, sovet qoşunlarının Azərbaycan xalqına, dinc əhaliyə qarşı törətdiyi cinayətlərdən, Vətənin azadlığı və ərazi bütövlüyü uğrunda canlarından keçən həmvətənlərimizin mübarizliyindən danışıb.

Sonra şagirdlərin 20 Yanvar faciəsinin həqiqətlərindən bəhs edən əl işlərinə baxış keçirilib.