21.01.2025

Ailə tipli icma əsaslı məktəbəhazırlıq qruplarında dərs prosesinə start verilib.

Mil-Muğan Regional Təhsil İdarəsinin İmişli rayon təhsil sektoru üzrə Şahin Məmmədov adına 3 nömrəli tam orta ümumtəhsil məktəbin qalib olduğu qrant layihə əsasında Ailə tipli icma əsaslı məktəbəhazırlıq qruplarında dərslərə başlanılıb.

 

Layihə İmişli rayonunun Oruclu kəndində bir ailədə tətbiq olunur. Ailə tipli icmada dərslərə təhsildən kənar qalmış məktəbəqədər yaşlı 8 nəfər uşaq cəlb olunub.

 

Ailə tipli icma əsaslı məktəbəqədər təhsil üzrə qrant layihənin məqsədi məktəbəqədər təhsil müəssisələri olmayan ərazilərdə təhsildən kənar qalan məktəbəqədər yaşlı uşaqların təhsilə cəlb olunmasıdır.