Sabirabad və Saatlı rayonlarının ümumtəhsil müəssisələrindən Respublika fənn olimpiadalarının yarımfinal turunda iştirak edəcək şagirdlər və onlara həmin fənlər üzrə dərs deyən müəllimlərin iştirakı ilə maarifləndirici görüş keçirilib.

Görüşdə Mil-Muğan Regional Təhsil İdarəsinin Tədrisin keyfiyyəti sektorunun müdiri Mahir Zahidov çıxış edərək olimpiadaların təşkil edilməsində əsas məqsədin istedadlı uşaqların aşkara çıxarılması, məktəblilərin beynəlxalq olimpiadalarda uğurlu çıxışlarının təmin edilməsi, şagirdlərdə fənlərə olan marağın artırılması, onların rəqabət mühitində öz bilik və bacarıqlarını nümayiş etdirmələrinə imkan yaratmaqdan ibarət olduğunu bildirib.

O, Mil-Muğan RTİ üzrə son üç il ərzində olimpiadanın rayon və yarımfinal mərhələlərində şagirdlərin iştirakı, ayrı - ayrı fənlər üzrə keçid balları, rayonlar üzrə iştirakçıların illər üzrə aparılmış təhlillərini və şagirdlərin uğurları ilə bağlı statistik məlumatları iştirakçıların diqqətinə çatdırıb.

Fənn müəllimlərinə olimpiadanın müvafiq fənlərə uyğun proqramı ilə şagirdləri tanış etməyi tövsiyə edərək fənlər üzrə ötən illərin yarımfinal və final mərhələlərinə aid tapşırıqların izah edilməsi, bununla bağlı müvafiq işlərin görülməsini tapşırıb.

Tədbirdə müəllimləri və şagirdləri maraqlandıran suallar cavablandırılıb.