Mil-Muğan Regional Təhsil İdarəsinin Tədrisin keyfiyyəti sektorunun müdiri Mahir Zahidov metodik xidmətin təşkili ilə bağlı görülmüş işlərlə yerində tanış olmaq məqsədilə Beyləqan rayonu Dünyamalılar kənd Əlibala Şirinov adına 1 nömrəli tam orta ümumtəhsil məktəbində olub.

Mahir Zahidov Dünyamalılar kənd Əlibala Şirinov adına 1 nömrəli tam orta ümumtəhsil məktəbində metodist Xoşbəxt İsmayılzadənin məktəbdə metodik işin təşkili dövründə əldə edilən nəticələr, həyata keçirilməsi nəzərdə tutulan təkmilləşdirici tədbirlər və fəaliyyət istiqamətləri ilə tanış olub. Məktəbdə metodik işin təşkilinin səmərəliliyinin artırılması üçün metodistin fəaliyyətində qarşıya çıxan problemlərin həlli yolları, fəaliyyətin daha səmərəli şəkildə qurulması barədə müzakirə apararaq Xoşbəxt İsmayılzadəyə müvafiq tövsiyələr verib.

Bildiririk ki, Xoşbəxt İsmayılzadə Beyləqan rayonu Dünyamalılar kənd Ələmdar Rzayev adına 2 nömrəli tam orta ümumtəhsil məktəbin Azərbaycan dili və ədəbiyyat müəllimidir. O, Dünyamalılar kənd Əlibala Şirinov adına 1 nömrəli tam orta ümumtəhsil məktəbində 2024-cü ilin noyabr ayından metodik xidmət göstərir.

Mahir Zahidov məktəbin IB sinfində dərs prosesində iştirak edərək, ibtidai sinif müəllimi Abbasova Gülşən Ağa qızının riyaziyyat dərsini dinləyib.

Sonra o, məktəbin ibtidai sinif müəllimləri ilə görüşüb. Görüşdə ibtidai siniflərdə təhsilin keyfiyyətinin artırılmasına yönəlmiş zəruri işlərin görülməsinin, məzmun standartlarının reallaşdırılması və dərs prosesinin daha da səmərəli təşkil etmək üçün metodik xidmətdən yararlanmağın vacib olduğunu bildirərək, məktəbdaxili qiymətləndirmənin təşkili, qiymətləndirmə vasitələrinin hazırlanması istiqamətində məktəbin müəllimləri üçün təlimlərin keçirilməsinin əhəmiyyətli olduğunu bildirərək, məktəblərdə metodik xidmətin əhatə dairəsinin genişləndirlməsinin vacibliyini vurğulayıb.