Mil-Muğan Regional Təhsil İdarəsinin təşkilatçılığı ilə tabeliyində fəaliyyət göstərən ümumtəhsil müəssisələrində IX sinif şagirdləri arasında buraxılış imtahanına hazırlıq məqsədilə monitorinq keçirilib.

Monitorinqin keçirilməsində məqsəd müvafiq fənlər üzrə məzmun standartlarının şagirdlər tərəfindən mənimsənilməsini öyrənmək və tədrisin keyfiyyətinin daha da artırılması istiqamətində tədbirlərin görülməsidir.

Monitorinqdə region üzrə 7217 nəfər şagirddən 7011 nəfər şagird iştirak edib. Şagirdlər Azərbaycan dili, riyaziyyat və xarici dil fənləri üzrə 85 sualı cavablandırıblar.

Şagirdlərin nəticələri yoxlanıldıqdan sonra təhlillər aparılacaq və müvafiq tədbirlər həyata keçiriləcəkdir.