Mil-Muğan Regional Təhsil İdarəsinin tabeliyində fəaliyyət göstərən ümumtəhsil müəssisələrində təhsil alan respublika fənn olimpiadasının yarımfinal turunda iştirak etmək hüququ qazanan şagirdlər İmişli şəhəri 7 nömrəli tam orta ümumtəhsil məktəbində və Şirvan şəhər 16 nömrəli tam orta ümümtəhsil məktəbində RFO-nun yarımfinal turunda iştirak edib.

IX, X, XI siniflərin, həmçinin xüsusi istedadlı VIII sinif şagirdlərinin iştirak etdiyi fənn olimpiadasında Beyləqan, İmişli, Saatlı və Sabirabad rayonları üzrə 415 nəfər şagirddən 393 nəfər şagird iştirak edib. İştirak edən şagirdlər Azərbaycan dili və ədəbiyyat, tarix, coğrafiya, riyaziyyat, fizika, kimya və biologiya fənləri üzrə biliklərini sınayıblar.

Yarımfinal turunun nəticələri www.portal.edu.az platformasında şəxsi kabinetlərə yerləşdiriləcək və eyni zamanda, şagirdlərin təhsil aldıqları ümumtəhsil məktəblərilə də paylaşılacaq.

Respublika fənn olimpiadaları Kapital Bankın baş sponsorluğu ilə keçirilir.

Olimpiada iştirakçılarına uğurlar arzulayırıq!