Beyləqan rayon təhsil sektorunun təşkilatçılığı, Beyləqan rayon Heydər Əliyev Mərkəzinin və “Beyləqan Rayon Mərkəzi Xəstəxanası” Publik hüquqi şəxsin əməkfaşlığı ilə “Erkən nikah və onun fəsadları“ mövzusunda maarifləndirmə tədbiri keçirilib.

Rayonun ümumtəhsil məktəblərinin VIII-XI siniflərində təhsil alan qızların iştirakı ilə keçən tədbirdə məktəblilərə uşaq hüquqları haqqında Beynəlxalq Konvensiyalar və “Uşaq hüquqları haqqında” Azərbaycan Respublikasının Qanunu haqqında məlumat verilib. Erkən yaşda qurulan nikahların 18 yaşı tamam olmayan yeniyetmələrin sağlamlığına, gələcək həyatlarına ciddi mənfi təsir göstərməsi və ailədaxili zorakılıq hallarının ortaya çıxarmasından danışılıb.

Erkən nikah problemi ilə bağlı aparılan elmi-analitik araşdırmalar və bu problemin qarşısının alınması məqsədilə son illərdə həyata keçirilən tədbirlər və mübarizə yolları barədə iştirakçılara məlumat verilib.

Sonda şagirdlərin fikirləri dinlənilib və sualları cavablandırılıb.