Beyləqan rayon ümumtəhsil məktəblərində həyata keçirilən "Məktəbli kimyaçılar" layihəsinin rəhbəri Suqra Əlizadə tədbirdə çıxış edərək layihə ilə bağlı ətraflı məlumat verib.

Sonra çıxış edən Beyləqan rayon təhsil sektorunun müdiri Elvin Abbasov layihənin əhəmiyyətindən danışmış və layihə iştirakçılarına uğurlar arzulamışdır.

Final tədbirində "Məktəbli kimyaçılar" layihəsinin iştirakçılarından ibarət olan komandalar intellektual yarışma və praktiki kimya reaksiyalarından maraqlı reaksiyalar təqdim ediblər. Sonda Fərman Hacıyev adına 2 nömrəli tam orta ümumtəhsil məktəbi komandası I, Əlinəzərli kəndi Rizvan Nəsirov adına 1 nömrəli tam orta ümumtəhsil məktəbin komandası II, Mehdi Mehdizadə adına 3 nömrəli tam orta ümumtəhsil məktəbin komandası III yeri tutublar.

Qeyd edək ki, “Məktəbli kimyaçılar” layihəsi təhsildə inkişaf və innovasiyalar üzrə VIII qrant müsabiqəsi çərçivəsində icra edilir. Layihənin əsas məqsədi VII - VIII sinif şagirdlərinin kimya fənninə marağının artırılmasına nail olmaqdır.