Mil-Muğan Regional Təhsil İdarəsinin təşəbbüsü ilə "Şahin" hərbi-idman oyunları ilə bağlı görüş keçirilib.

Görüşdə Mil-Muğan Regional Təhsil İdarəsinin Tədrisin keyfiyyəti sektorunun müdiri Mahir Zahidov və ümumtəhsil məktəblərində çalışan hərbi rəhbərlər iştirak ediblər.

Tədbirdə Mahir Zahidov “Şahin” hərbi-idman oyununun yeni əsasnaməsi, orada edilən dəyişikliklər və yeni qeydiyyat forması ilə tanışlıq, həmçinin oyunun məktəbdaxili, şəhər birinciliyinə hazırlıqlar və keçirilməsi ilə bağlı ətraflı məlumat verib.

Yeni əsasnamə ilə bağlı fikir mübadiləsi aparılıb və "Şahin" hərbi-idman oyununun region üzrə uğurla baş tutması üçün aidiyyəti qurumların və şəxslərin səfərbər olmalarının vacibliyi bildirilib.