Mil-Muğan Regional Təhsil İdarəsinin təşkilatçılığı ilə ümumtəhsil məktəblərinin VII-XI sinif şagirdləri arasında Novruz bayramı münasibətilə mini futbol üzrə turniri keçirilir.

Yarış məktəb, rayon və region turu olmaqla 3 turda keçirilir. Məktəb turunun qalibi olan komandalar rayon turunda yarışırlar. Rayon turunun qalibi olan komanda region turunda iştirak edir.

Turnirin keçirilməsində məqsəd ümumtəhsil məktəblərində şagirdlərin fiziki cəhətdən sağlamlıqlarının möhkəmləndirilməsi “sağlam bədəndə sağlam ruh olar” ruhunda tərbiyə olunması və istedadlı şagirdlərin üzə çıxarılması məqsədi ilə keçirilir.

Turnirin Beyləqan rayonu üzrə keçirilən rayon turunda Rauf Həsənov adına Birinci Aşıqlı kənd tam orta ümumtəhsil məktəbin komandası I, Abdulla Həmzəyev adına Türklər qəsəbə tam orta ümumtəhsil məktəbin komandası II, Qurban Namazəliyev adına Şərq qəsəbə tam orta ümumtəhsil məktəbin komandası isə III yerin qalibi olublar.

Yarışın qalibi olan Birinci Aşıqlı kənd tam orta ümumtəhsil məktəbin komandası region turunda iştirak etmək hüququ qazanıb.