Respublika fənn olimpiadalarının final mərhələsinə vəsiqə qazanmış şagirdlərlə, onların təhsil aldıqları məktəblərin direktorları, müəllimləri və valideynləri ilə görüş keçirilib.

Sabirabad şəhəri Nizami Gəncəvi adına 5 nömrəli tam orta ümumtəhsil məktəbində keçirilən görüşdə Mil-Muğan Regional Təhsil İdarəsi üzrə Respublika fənn olimpiadalarının final mərhələsində iştirak etmək hüququ qazanmış 21 nəfər şagird iştirak edib.

Görüşdə Mil-Muğan Regional Təhsil İdarəsinin Tədrisin keyfiyyəti sektorunun müdiri Mahir Zahidov şagirdləri təbrik edərək onlara uğurlar arzulayıb. O, final mərhələsinə hazırlıq prosesi və qarşıda duran hədəfləri müzakirə edib. Məktəblilər arasında keçirilən müsabiqələrin məqsədləri, təhsil sahəsində dövlətin həyata keçirdiyi tədbirlər və eyni zamanda region təhsilinin nailiyyətlərindən danışıb.