Mil-Muğan Regional Təhsil İdarəsinin təşkilatçılığı ilə ümumtəhsil məktəblərinin V-XI sinif şagirdləri arasında Novruz bayramı münasibətilə inşa - yazı müsabiqəsi keçirilib.

Müsabiqənin keçirilməsində məqəsd ümumtəhsil məktəblərinin şagirdləri arasında milli-adət ənənələrimizə hörmət hissini aşılamaq, adət-ənənələrimizin gələcək nəsillərə ötürülməsi üçün gənc nəslin milli-mənəvi dəyərlər ruhunda tərbiyə etmək və istedadlı şagirdlərin üzə çıxarılmasıdır.

Müsabiqə məktəb, rayon və region turu olmaqla 3 turda keçirilib. Məktəb turunun qalibi olan şagirdlər rayon turunda yarışırlar. Rayon turunun qalibi olan şagird isə region turunda iştirak etmək hüququ qazanır.

Sabirabad rayonu üzrə müsabiqədə Sabirabad şəhəri Mikayıl Müşfiq adına 4 nömrəli tam orta ümumtəhsil məktəbin IX sinif şagirdi Gülər İsmayılova I, Hacı Zeynalabdin Tağıyev adına 6 nömrəli tam orta ümumtəhsil məktəbin VIII sinif şagirdi Əsma Gözəlli II, Nizami Gəncəvi adına 5 nömrəli tam orta ümumtəhsil məktəbin VI sinif şagirdi Əli Məmmədhəsənov III yerin qalibi olublar.

Gülər İsmayılova müsabiqənin region turunda iştirak etmək hüququ qazanıb.

Şagirdimizi təbrik edirik və uğurlar arzulayırıq!