14.03.2025

“Sabahın alimləri” XIV Respublika layihə müsabiqəsinin qalibləri

Sabirabad şəhəri Nizami Gəncəvi adına 5 nömrəli tam orta ümumtəhsil məktəbin X sinif şagirdləri Rəhimə Yusifzadə və Zeynəb Gözəlova “Sabahın alimləri” XIV Respublika layihə müsabiqəsində məktəbin biologiya müəllimi Təranə Hacıyevanın rəhbərliyi ilə “Tibb və sağlamlıq” nominasiyası üzrə III yerin qalibi olublar.

 

Müsabiqədə şagirdlərin 9 istiqamət (riyaziyyat, fizika və astronomiya, kimya, biologiya, tibb və sağlamlıq, ekologiya və ətraf mühitin idarə olunması, mühəndislik, kompüter elmləri, robototexnika və süni intellekt) üzrə elmi-tədqiqat layihələri dəyərləndirilib.

 

Müsabiqənin keçirilməsində məqsəd elmi-tədqiqat və yaradıcılıq potensialı olan istedadlı şagirdləri aşkara çıxarmaq, onlarda tənqidi düşünmə, problem həlletmə, vaxtın idarə olunması, natiqlik və ünsiyyət kimi bacarıqları inkişaf etdirmək, ali təhsil müəssisələri və elmi təşkilatlarla ümumi təhsil müəssisələri arasında əlaqələri genişləndirmək, həmçinin şagirdlərin oxşar maraqları olan həmyaşıdları ilə şəbəkələşməsini təmin etməkdir.


Açar sözlər: ,  ,  ,