Olimpiya İdman Kompleksində keçirilən yarışların açılış mərasimi Azərbaycan Respublikasının Dövlət Himninin səsləndirilməsi ilə başlayıb, sonra Vətənimizin ərazi bütövlüyü uğrunda canlarını qurban vermiş qəhrəman Şəhidlərimizin əziz xatirəsi bir dəqiqəlik sükutla yad edilib.
Tədbirdə çıxış edənlər "Şahin" hərbi-idman oyunun gənclərin vətənpərvərlik tərbiyəsində müstəsna əhəmiyyəti olduğunu, respublikamızda fəaliyyət göstərən ümumtəhsil müəssisələrində təhsil alan şagirdlərin vətənpərvərlik, milli qürur və milli ləyaqət ruhunda tərbiyə edilməsi, onların mənəvi-psixoloji və hərbi-fiziki hazırlığının təmin olunması, “Şanlı Zəfər” tarixini təbliğ etmək məqsədi ilə gənclərin vətənpərvərlik tərbiyəsində müstəsna əhəmiyyəti olduğunu vurğulayıblar və yarış iştirakçılarına uğurlar arzulayıblar.
Komandalar sıra hazırlığı, intellektual müsabiqə, çadırın qurulması, darağa patronun doldurulması, boşaldılması, avtomatın sökülməsi, yığılması və digər mərhələlər üzrə yarışıblar.
Saatlı rayonu Vüqar Əzimov adına Qıraqlı kənd tam orta ümumtəhsil məktəbin komandası I yeri, Səməd Vurğun adına 1 nömrəli tam orta ümumtəhsil məktəbin komandası II yeri, Hicran Əliyev adına Cəfərxan kənd tam orta ümumtəhsil məktəbin komandası isə III yeri tutub.
Sabirabad rayonu üzrə Hacı Zeynalabdin Tağıyev adına 6 nömrəli tam orta ümumtəhsil məktəbin komandası I yer, Mikayıl Müşfiq adına 4 nömrəli tam orta ümumtəhsil məktəbin komandası II yerin, Əli Qurbanov adına Qalağayın kənd tam orta ümumtəhsil məktəbin komandası isə III yeri tutub.
Saatlı rayonu Vüqar Əzimov adına Qıraqlı kənd tam orta ümumtəhsil məktəbin komandası və Sabirabad şəhəri Hacı Zeynalabdin Tağıyev adına 6 nömrəli tam orta ümumtəhsil məktəbin komandası “Şahin” hərbi-idman oyunu üzrə respublika birinciliyinin zona mərhələsində Saatlı və Sabirabad rayonlarını təmsil etmək hüququ qazanıblar.