02.04.2025

“Birlik” komandası “Nə? Harada? Nə zaman?” oyunu üzrə respublika çempionu olub.

Şagirdlər arasında “Nə? Harada? Nə zaman?” oyunu üzrə respublika çempionatının final mərhələsi keçirilib.

 

Çempionat Elm və Təhsil Nazirliyinin təşkilatçılığı, Kapital Bankın dəstəyi ilə “Təhsil oyunları platforması” layihəsi çərçivəsində keçirilib.

 

İkimərhələli çempionatın seçim oyununda Saatlı rayonu Məhəmməd Əliyev adına Əlisoltanlı kənd tam orta ümumtəhsil məktəbin “Birlik” komandası finala vəsiqə qazanıb.

Çempionatın final mərhələsinin nəticələrinə əsasən “Birlik” komandası I yeri tutaraq yarışın qalibi olub.

 

Komandanın üzvləri kubok, medal, diplom və hədiyyələrlə mükafatlandırılıblar.

 

Şagirdlərimizi təbrik edirik və uğurlar arzulayırıq!


Açar sözlər: ,  ,