Mil-Muğan Regional Təhsil İdarəsi Beyləqan rayonu üzrə təhsil sektorunda psixoloji-tibbi-pedaqoji komissiyanın (PTPK) sədr vəzifəsinə vakansiya elan edir.

PTPK-nın sədri vakansiyası üçün psixoloq, defektoloq və yaxud ibtidai sinif müəllimləri müraciət edə bilərlər.

Namizədlər üçün tələblər:

Psixoloq və ibtidai sinif müəllimliyi ixtisas üzrə ali təhsil;

3 ildən az olmayaraq pedaqoji staj;

Hazırda təhsil müəssisəsində müddətsiz pedaqoji fəaliyyət göstərməsi.

İxtisası üzrə iştirak etdiyi sonuncu imtahan nəticəsinin yüksək olması arzu olunandır.

Müsabiqədə iştirak üçün tələb olunan sənədlər:

şəxsiyyəti təsdiq edən sənədin surəti;

ali təhsil haqqında sənədin və əlavəsinin surəti;

xüsusi təhsil sahəsində əlavə təhsil, iştirak etdiyi təlimlər, seminarlarda iştirakını təsdiq edən sənədlərin surəti;

əmək kitabçasının surəti.

PTPK-nın iş saatı barədə:

İş saatı müəyyən olunmuş qrafik əsasında həftədə 2 dəfə daimi fəaliyyət göstərir.

Zəruri halda əlavə olaraq səyyar komissiya keçirilə bilər.

İş vaxtı 6 saat həcmində, iş rejimi saat 10-dan 16-dək müəyyənləşdirilir.

Namizədlər tələb olunan sənədləri 29 yanvar 2026-cı il tarixindən 02 fevral 2026-cı il tarixinədək Beyləqan rayonu üzrə təhsil sektoruna təqdim etməlidirlər.