Beyləqan rayon Rauf Həsənov adına Birinci Aşıqlı kənd tam orta ümumtəhsil məktəbinin 7-ci sinif şagirdləri Nəzami Aslanlı və Cəmilə Məmmədli Elm və Təhsil Nazirliyi yanında Məktəbəqədər və Ümumi Təhsil üzrə Dövlət Agentliyinin dəstəyi və Respublika Uşaq-Gənclər İnkişaf Mərkəzinin təşkilatçılığı ilə həyata keçirilən “Mənim irsim danışır” respublika müsabiqəsində uğurla iştirak ediblər.

Nəzami Aslanlı və Cəmilə Məmmədli məktəbin fizika müəllimi Emilya İsmayılovanın rəhbərliyi ilə müsabiqənin “Sükutun dili: Bölgəmin gölü” nominasiysında iştirak edərək 3-cü yerin qalibi olublar.

Müsabiqə Azərbaycan Respublikasında 2026-cı ilin “Şəhərsalma və Memarlıq İli” elan edilməsi ilə əlaqədar ölkənin zəngin memarlıq irsinin və tarixi abidələrinin gənc nəslə tanıdılması, milli irsin qorunması, təbliği istiqamətində həyata keçirilən təşəbbüslərə uyğun olaraq reallaşdırılıb.