18.05.2016-cı il tarixdə keçirilmiş tədbirdə Milli Qəhrəmanın valideynləri, kənd icra nümayəndəsi İ.Həsənov, bələdiyyə sədri Q.Əliyev, Murad Mirzəyevin sinif yoldaşları, şəhid ailələri, kənd ictimaiyyətinin nümayəndələri iştirak etmişlər. Tədbir şəhidlərimizin ruhu bir dəqiqəlik sükutla yad edilməsilə başlanmışdır. Daha sonra xatirə lövhəsinin açılışı olmuşdur.

Tədbiri giriş sözü ilə açan məktəbin direktoru Afiq Quliyev Milli Qəhrəman Murad Mirzəyevin keçdiyi həyat yolundan geniş məlumat vermişdir. 

Tədbirdə həmçinin kənd icra nümayəndəsi İbrahim Həsənov, şəhidin sinif yoldaşları Mirtərlan Mirişov və Maarif Zeynalov, Milli Qəhrəmanın ibtidai sinif müəllimi Nəzakət Həsənova onunla bağlı xatirələrindən söz açmışlar.

Tədbirdə məktəblilərin hazırladıqları vətənpərvərlik və qəhrəmanlıq mövzulu şeirlər də  səsləndirilmişdir.

Sonda çıxış edən Milli Qəhrəmanın atası Telman Mirzəyev və qayınatası Səlim Kərimov bu tədbirin hazırlanmasında xidməti olan hər kəsə dərin minnətdarlıqlarını bildirmişlər.